Կանոններ և սահմանափակումներ

12736662_1058067600922611_1119000839_o««Խոսրովի անտառ» պետական արգելոց» ՊՈԱԿ-ը տեղեկացնում է.

  • «Խոսրովի անտառ» պետական արգելոց մուտք գործելու համար հարկավոր է ունենալ լիազոր մարմնի և գործադիր մարմնի թույլտվությունը:
  • Թույլտվություն ստանալու համար հարկավոր է նախապես հայտ ուղարկել և կատարել ամրագրում:
  • Արգելոցի տարածք մուտք գործելը վճարովի է:
  • Այցելությունները թույլատրելի են ինչպես տեղացի, այնպես էլ օտարերկրացի տուրիստների համար:
  • Տեղացի և օտարերկրացի տուրիստների համար գործում են առանձին սակագներ:
  • էկոտուրեր կազմակերպվում են անհատական և փոքր խմբերով (1-10 հոգի):
  • Տուրերն անցկացվում են հետիոտն կամ ձիով: Ձիեր կարող եք վարձակալել արգելոցի երկու այցելուների կենտրոններում:
  • Կան երթուղիներ, որոնց որոշ հատվածներ հարկավոր է անցնել ամենագնացով: Դուք կարող եք վարձել ամենագնացներ այցելուների երկու կենտրոններում:

««Խոսրովի անտառ» պետական արգելոց» ՊՈԱԿ-ը հորդորում է իր այցելուներին` տուրերին մասնակցելիս պահպանել հետևյալ կանոները.

  • Երթուղիներով անցնել միայն ուղեկցորդի ուղեկցությամբ
  • Հետևել ուղեկցորդին, չշեղվե’լ երթուղիներից
  • Չաղմկել և չանհանգստացնե’լ վայրի կենդանիներին
  • Չհավաքել վայրի բույսեր և չտրորե’լ բուսածածկը
  • Չաղտոտե’լ տարածքը
  • Խարույկ վառել միայն հատուկ նախատեսված վայրերում
  • Պատմամշակութային հուշարձաններին վերաբերել զգուշությամբ (չտեղաշարժե’լ, չաղտոտե’լ, չքանդե’լ)
  • Հանգստանալիս օգտվել միայն հանգստի տաղավարներից
  • Որսը, ձկնորսությունը և ծառահատումները խստիվ արգելվում են